MENU
Главная » Статьи » Мои статьи

Молитва св.прав. Феодосию Балтскому

Святому праведному Феодосию пресвитеру Балтскому

ТРОПАРЬ, ГЛАС 4

         Покаяния проповедниче, Православия наставниче, Церкви Русския похвало и града Балты священное сокровище, Феодосие преславне, Престолу Божию предстоя, моли спастися душам нашим.

                                                   Кондак, глас 5        

        Крест служения священного восприим, Подвигоположнику Господу     последовал еси и, Тому усердно послужив, многим образ доброделания явился еси, словесы и деяньми на стезю спасения наставляюще и путь ко Христу указующе, Феодосие богомудре отче наш, моли Христа Бога да оставление грехов подаст душам нашим.

                                                         Молитва

       О, пастырю добрый, наставниче верных, святый праведный отче Феодосие! К тебе прибегам и тя молим, яко вемы милосердие твое еже ко ближнему любовь нелицемерную. Ибо еще на земли живущу ти, едино имел еси попечение, еже спасати от погибели греховныя души человеческия. Темже убо потщимся, богомудре, о нашем спасении ходатай быти. Всемощным предстательством твоим да сохранит ны Господь от нападений вражиих, укрепит во искушениях, угасит ересей и расколов злоименитых шатания, возреет в сердцах наших любовь и благочестие и вся ны во Православии утвердит, да молитвами твоими укрепляеми, сподобимся неосужденно славити и воспевати Отца и Сына и Святаго Духа во веки веков. Аминь.

Категория: Мои статьи | Добавил: balta-palomnik (08.07.2015)
Просмотров: 168 | Рейтинг: 0.0/0
Всего комментариев: 0